उसले मधेश, पहाड र हिमाललाई
एउटै किल्ला बनायो
जुन माटोमा गर्वका साथ उभिएर
आज तिमी सत्ता राजनीति गरिरहेछौ,

हो,
सिमानाबाट भित्रिने बैरीहरूलाई
उसले लखेटेकै हो
जुन सिमानाबाट
आज तिमीले देशद्रोहीहरू भित्राइरहेछौ ।

उसले साझा फूलबारी बनाएकै हो
जून फूलबारीमा उभिएर
आज तिमीले विभाजन कोरिरहेछौ,
उसले एकिकरण र एकताको कुरा गरेकै हो
जुन सत्यलाई चिर्दै
आज तिमीले खण्डित र विभाजित गर्ने प्रपञ्च रचिरहेछौ,

उसले बैरीहरूको थिर काटेकै हो
जुन बैरीका सामु
आज तिमीले शिर निहुँराइरहेछौ,

उसले स्वाधिनता र स्वाभिमानको कुरा गरेकै हो
जून गौरवलाई टेकेर
आज तिमीले परतन्त्र र कायर कुरा गरिरहेछौ,

उसले आमजनतालाई आत्मनिर्भर बनाएकै हो
जुन जनतालाई
आज तिमीले अभावै अभावमा राखेका छौ,

उसले शिर उठाउन सिकाएकै हो
जुन स्वाभिमानलाई
आज तिमीले शिर झुक्याउने बनाएका छौ ।

हो,
टुक्रा-टुक्रा राज्यलाई जोडेर
उसले साम्रायवादी शैलीमा
यो देशको निर्णय गरेकै हो,